د کانونو د ساتنې کمیټې د همغږۍ ریاست ته  نوی رئیس معرفي شو

د کانونو او پټرولیم په وزارت کې نن چهار شنبه 13/7/1401 نېټه په جوړ شوي محفل کې د کانونو او پټرولیم وزارت مالي او اداري مرستیال ښاغلي مولوي حسام الدین صابري د یاد وزارت  د 23/2/1444 هـ ق چې 29/4/1401 ڼېټې سره برابره ده د 21 شمېرې وړاندیز او د ریاست الوزرا 6/3/1444 هـ ق چې 10/7/1401 نېټې سره برابره ده 678 حکم له مخې ښاغلی مولوي سيد قاسم زاهد د یاد ریاست کارمندانو ته په رسمي توګه ورمعرفي کړ.
د کانونو د ساتنې کمیټې د همغږۍ رئیس په خپلو خبرو کې د وزارت له مشرتابه هیئت څخه د خپلو کاري پلانونو له امله چې د خپلو اړوندو څانګو د پرمختګ په برخه کې کړي وو مننه وکړه او ژمنه یې وکړه چې د وزارت د مقام په هدایت او د یاد ریاست کاري ټیم په همکاري او همغږۍ سره د یاد وزارت د پلانونو او برنامو په تطبیق کې به هيڅ ډول هڅې ونسپموم.
په پای کې د کانونو د ساتنې کمېټې د همغږۍ نوي ریئس سره تر خپل کاري دفتره لاړل او رسماً یې پر کار پېل وکړ.