د کانونو او پټرولیم وزارت مالي او اداري مرستیال معرفي شو
د عالیقدر امیرالمؤمنین شیخ القرآن و الحدیث مولوي هبة الله اخندزاده حفظه الله د حکم په اساس د چارو ادارې د کادري چارو، اصلاحاتو او د امارت د تشکیلاتو د بیا کتنې ریاست مخکنی رئیس مولوي حسام الدین صابري د دوشنبې په ورځ د 29/5/1403 نېټې د کانونو او پټرولیم وزارت سرپرست الحاج ملا هدایت الله بدري، د پلان او پالیسي مرستیال شیخ الحدیث ضیاء الرحمن الاریوبي او رئیسانو په شتون کې د کانونو او پټرولیم وزارت د مالي او اداري مرستیال په توګه د چارو ادارې عمومي رئیس شیخ نورالحق انور له لوري معرفي شو.
په هغو مراسمو کې چې په همدې مناسبت د وزارت د غونډو په تالار کې جوړ شوي وو، د افغانستان د اسلامي امارت د چارو ادارې عمومي رئیس وویل: د اسلامي امارت رهبري هڅه کوي چې د نظام په جوړولو کې با استعداده او په کار پوه کسان ځای پر ځای کړي، چې په خپلو مسؤلیتونو کې صادق اوسي او دې کړېدلي ملت ته د خدمت جوګه شي.
