د کانونو او پټرولیم وزارت سرپرست په اروپا کې له مېشتو افغان علمي او فرهنګي شخصیتونو سره وکتل

firoz_admin
سه شنبه, اپرېل 23 2024 7:56 AM
ss

د کانونو او پټرولیم وزارت سرپرست شیخ الحدیث شهاب الدین دلاور په خپل کاري دفتر کې په اروپا کې له یو شمېر مېشتو افغان علمي او فرهنګي شخصیتونو سره وکتل.
په دې ناسته کې په اروپا کې مېشتو افغان علمي او فرهنګي شخصیتونو په ټول هېواد کې د امنیت او ملي حاکمیت پر ټینګښت، اداری فساد سره د مبارزې او د نشه یي توکو په له منځه وړلو، د ملي پروژو پلي کېدو په ځانګړې توګه د کانونو د سکټور په برخه کې د اسلامی امارت له کړنو او لاسته راوړنو څخه خوښی څرګنده کړه.
یادو شویو شخصیتونه له هېواد څخه بهر د افغانانو د تخنيکي، علمي او فرهنګي ظرفيتونو د جلب او جذب لپاره د لا زياتو فرصتونو او اسانتياوو رامنځته کولو غوښتنه وکړه ویې ویل: زيات شمېر هغه افغان علمي، فرهنګي شخصيتونه او پانګوال چې په بهر کې مېشت دي لېوالتيا لري، چې د دوی لپاره په هېواد کې د پانګونې لپاره مناسبه زمینه او نورې اسانتیاوې برابرې شي تر څو دوی بېرته خپل هېواد ته راستانه او د خدمت جوګه شي.
د کانونو او پټرولیم وزارت سرپرست شیخ الحدیث شهاب الدین دلاور دوی ته د ښه راغلاست تر څنګ وویل: الحمدلله د اسلامي امارت په راتګ سره په ټول هېواد کې امنیت تامین شوی، واحد حکومت رامنځته شوی، اداري فساد تر ټولو ټیټې کچې ته رسیدلی دی. د نشه یي توکو کښت او تولید له منځه وړل شوی او د هېواد په ټولو برخو کې خلک په خوندي او سوله ایز چاپیریال کې ژوند کوي.
د کانونو او پټروليم وزارت سرپرست په پای کې د دوى له راتګ او ښه نظر څخه مننه وکړه ويې ويل، افغانستان د ټولو افغانانو ګډ کور دى، په بهر کې مېشت افغانان کولاى شي په پوره ډاډ سره خپل هېواد ته راستانه شي او د هېواد په بيارغونه او پرمختګ کې ونډه واخلي.

تازه خبرونه

پنجشنبه, جون 13 2024 9:12 AM
Background image

د لغمان ولایت د کانونو د ساتنې کمېټې غونډه ترسره شوه

د لغمان ولایت د کانونو د ساتنې کمېټې غونډه د یاد ولایت د کانونو د رئیس انجنیر نجیب الله په مشرۍ چې پکې د کمېټې غړو ګډون کړی و ترسره شوه.

غونډه د قرآنکریم د څو مبارکو آیاتونو په تلاوت. . .

پنجشنبه, جون 13 2024 8:51 AM
Background image

د کانونو او پټرولیم وزارت سرپرست د تېرې ادارې د مشرانو جرګې له یو تن سناتور سره وکتل

د کانونو او پټرولیم وزارت سرپرست شیخ الحدیث شهاب الدین دلاور د تېرې ادارې په مشرانو جرګه کې د هلمند د خلکو استازى ښاغلي محمد هاشم الکوزي سره په خپل کاري دفتر کې وکتل.

د وزارت سرپرست. . .

پنجشنبه, جون 13 2024 8:27 AM
Background image

د امو دریا نفتي حوزې داړتیا وړ د 9 پروژو آفرګشايي

د آمو دریانفتي حوزې  سیمې د اړتیا وړ د 9 پروژو  آفرګشايي غونډه د کانونو او پټرولیم وزارت سرپرست شیخ الحدیث شهاب الدین دلاور، د پلان او پالیسۍ مرستیال شیخ ضیا‌ءالرحمن الاریوبي، یو شمېر. . .

بېرته خبرونه ته