د کانونو او پټرولیم وزارت سرپرست مسکو ته د خپل سفر په ترڅ کې د انرژۍ اړوند بېلابېلو ناستو کې ګډون وکړ

sp_admin
شنبه ۱۴۰۳/۷/۷ - ۱۳:۵۰
س

د کانونو او پټرولیم وزارت سرپرست الحاج ملا هدایت الله بدري او مل پلاوي د روسیې فدراسیون ته د سفر په دویمه ورځ مسکو کې د انرژۍ اړوند اقلیم ته د زیان اړونې پرته د هایدروکابوني انرژۍ تولید، د انرژۍ په سکټور کې د معلوماتي ټکنالوژۍ پراختیا، د سیمه ایزې انرژۍ د همکارۍ امکانات او د روسیې انرژۍ د پانګونې نوې دورې په ناستو کې ګډون او بحث وکړ.

او همدا راز ښاغلي بدري د روسیې فدراسیون د انرژۍ وزیر سیرګي تسویلوف سره دوه اړخیزه ناسته وکړه چې په دغه ناسته کې د دوه اړخیزو همکاریو پر پراختیا بحث او خبرې وشوې.

ښاغلي سیرګي تسیویلوف د افغانانو ظرفیت لوړونې او د افغانستان په اړه پخواني جیولوجیکي او جیوفزیکي برخه کې د روسیي متخصصیونو  ډیټا او معلومات افغانستان ته د سپارلو ډاډ ورکړ.

د یادونې وړ ده چې د کانونو او پټرولیم وزرات سرپرست د یادو ناستو په څنډه کې د ګازو او ډبرو سکرو څخه د برېښنا تولید کمپنۍ له مشر سره ناسته ترسره کړه او یادې کمپنۍ ته یې په افغانستان کې له ډبرو سکرو او ګازو څخه د برېښنا تولید لپاره بلنه ورکړه.

تازه خبرونه

یکشنبه ۱۴۰۳/۱۱/۱۴ - ۱۴:۱
Background image

د وزارت ستر سلا کار د کندهار د سمنټو له کارخونې لیدنه وکړه

د کانونو او پټرولیم وزارت ستر سلاکار انجنیر وحیدالله حلیمي د مقام د دفتر عمومي رئیس الحاج معراج محمد معراج او مل پلاوي د کندهار ولایت د شور اندام د سمنټو له کارخونې لیدنه وکړه.
د وزارت. . .

یکشنبه ۱۴۰۳/۱۱/۱۴ - ۱۱:۴
Background image

نیمروز ولایت ته د کانونو او پټرولیم وزارت سرپرست سفر

د کانونو او پټرولیم وزارت سرپرست الحاج ملاهدایت الله بدري د وزارت ستر سلاکار انجنیر وحیدالله حلیمي او مل پلاوي د یو رسمي سفر په ترڅ کې یې د نیمروز ولایت د چهار برجک ولسوالۍ د ګود زرې. . .

چهارشنبه ۱۴۰۳/۱۱/۱۰ - ۲۲:۱
Background image

د ټاپي سترې پروژې چارې په چټکتیا سره روانې دي

د ټاپي سترې پروژې رغنیزې چارې دا مهال د افغانستان په هرات ولایت کې په چټکتیا سره له کوم ځنډ پرته رواني دي. تر دې دمه څه باندې ۶ کیلومټره نللیکه غځول شوې او ۵۵۰۰ مټره نللیکې سیمې ته. . .

بېرته خبرونه ته