د کانونو او پټرولیم وزارت سرپرست له هندي پانګوال سره وکتل
د افغانستان د کانونو او پټرولیم وزارت سرپرست شیخ الحدیث شهاب الدین دلاور په خپل کاری دفتر کې له یوتن هندي پانګوال سره وکتل.
په دې کتنه کې هندي پانګوال د هېواد د اوسني وضعیت او فرصتونو په اړه خوښي څرګند کړه ویې ویل: افغانستان د پانګوالو لپاره ډېر ښه فرصتونه لري او د هېواد د سرب، جستو او ډبرو سکرو د کانونو په برخه کې د پانګونې په اړه خپله لېوالتیا څرګنده کړه.
د کانونو او پټرولیم وزارت سرپرست د افغانستان د کانونو په برخه کې د پانګونې په موخه د دوی د لېوالتیا هرکلی وکړ ویې ویل: هغه بهرني پانګوال چې غواړي د هېواد په کانونو کې پانګونه وکړي، د کانونو او پټرولیم وزارت د هغوی د هڅونې او را جلبولو په برخه کې قانوني همکاریو او اسانتیاوو برابرولو ته چمتو دی.
