د کانونو او پټرولیم وزارت سرپرست له ترکي پانګوالو سره وکتل
د کانونو او پټرولیم وزارت سرپرست الحاج ملا هدایت الله بدري د چهارشنبې په ورځ (1403/7/18) نېټې په خپل کاري دفتر کې له ترکي پانګوالو سره وکتل.
په دې کتنه کې دواړو لورو د افغانستان د کاني زېرمو په برخه کې د پانګونې پر شته فرصتونو او د هېواد په کاني زېرمو کې د پانګونې لپاره د مناسب چاپېریال د برابرولو په اړه خبرې وکړې.
ترکي پانګوالو د کانونو او پټرولیم وزارت د مشرتابه له مېلمه پالنې مننه وکړه او د انتیموني کانونو په برخه کې د پانګونې غوښتنه وکړه.
د کانونو او پټرولیم وزارت سرپرست وویل: موږ چمتو یو چې قانوني همکاري وکړو او د کورنیو او بهرنیو پانګوالو د جلب او جذب لپاره لازمې اسانتیاوې رامنځته کړو.
