د کانونو او پټرولیم وزارت سرپرست د TOYAR قراردادي شرکت له رئیس سره وکتل
د کانونو او پټرولیم وزارت سرپرست شیخ الحدیث شهاب الدین دلاور، د چین هېواد دویم مس عینک قراردادي شرکت له رئیس او مل پلاوي سره دیادې کمپنۍ د پرمختګونو او فعالیتونو په اړه بحث او نظرونه شریک کړل.
د تویار شرکت رئیس د یادې پروژې د اکتشافي کارونو په اړه خبرې وکړې او د چارو د لا ښه پرمخ وړلو په موخه یې خپل وړاندیزونه او ستونزې د وزارت له سرپرست سره شریکې کړې.
د وزارت سرپرست مېلمنو ته د ښه راغلاست ترڅنګ د چين د پانګوالو شتون يې د دواړو هېوادونو ترمنځ د اقتصادي اړيکو د ټينګښت او پراختيا لامل وباله، دغه راز يې د ياد شرکت د ستونزو د حل په موخه لازمې لارښوونې وکړې او په هېواد کې دننه یې د مسو د سل فیصده پروسس په اړه ټينګار وکړ.
