د کانونو او پټرولیم وزارت سرپرست د کندهار کاني زېرمو څخه د څارنې په موخه یاد ولایت ته په سفر تللی
د کانونو او پټرولیم وزارت سرپرست الحاج ملا هدایت الله بدري او ورسره مل پلاوي، د کندهار د کانونو رئیس مولوي عبدالحنان(حامد) په ملتیا د 16/5/1403 نېټې د کندهار ولایت یو شمېر ولسوالیو ته د کانونو د څارنې او ارزونې په موخه روان شو.
د کانونو او پټرولیم وزارت سرپرست به په یاد سفر کې د نیش ولسوالۍ د فلورایټو، د شاولیکوټ ولسوالۍ د دره نور د مرمرو، سرب او جستو، د خاکریز ولسوالۍ د بي بي ګوهر کانونو څخه لیدنه وکړي، دغه راز به دیاد سفر په ترڅ کې د کانونو داستخراج پر څرنګوالی سربېره د کیندنې په برخه کې روڼتیا او د کانونو قراردادي شرکتونو استازو ته لازمې سپارښتنې وکړي.
