د کانونو او پټرولیم وزارت سرپرست د کندز ولایت د سوداګرۍ خونې له سرپرست سره ولیدل
د کانونو او پټرولیم وزارت سرپرست شیخ الحدیث شهاب الدین دلاور د کندز ولایت د سوداګرۍ خونې له سرپرست الحاج عبدالمتین یوسفزي سره په لېدنه کې د هېواد د کاني زېرمو په برخه کې د پانګونې په اړه خبرې اترې او بحثونه وکړل.
د کندز د سوداګرۍ خونې سرپرست د کانونو او پټرولیم وزارت فعالیتونو او لاسته را وړنې وستایلې، همدا راز یې په کندز ولایت کې د 200 میلیونه ډالرو په ارزښت له 13 شرکتونو سره په ګډه د سمنټو د کارخونې د جوړېدو غوښتنه وکړه.
د کانونو او پټرولیم وزارت سرپرست په هېواد کې د پانګونې په موخه د هغوی د لېوالتیا هر کلی وکړ او د پانګونې په برخه کې د اسانتیاوو رامنځته کولو په موخه یې ورسره د همکاریو ژمنه وکړه.
