د کانونو او پټرولیم وزارت سرپرست د ولایتونو د کانونو له یو شمېر رئیسانو سره وکتل
د کانونو او پټرولیم وزارت سرپرست الحاج ملا هدایت الله بدري د دوشنبې په ورځ 8/5/1403 نېټې د نورستان، کنړ، لغمان او ننګرهار ولایتونو د کانونو له رئیسانو سره وکتل.
په دې ناسته کې رئیسانو د خپلو کاري پرمختګونو په اړه هر اړخیز معلومات وړاندې کړل، د چارو د لا ښه والي په موخه یې خپل وړاندیزونه او ستونزې د وزارت له مشرتابه سره شریکې کړې.
د کانونو او پټرولیم وزارت سرپرست د خدمتونو د وړاندې کولو په برخه کې د دوی هڅې وستایلې او په روڼتیا، همغږۍ یې ټینګار وکړ او د ستونزو د حل په موخه یې لازمې سپارښتنې او لارښوونې وکړې.
