د کانونو او پټرولیم وزارت سرپرست د هلمند ولایت له یو شمېر کان کېندونکو سره ولیدل
د کانونو او پټرولیم وزارت سرپرست شیخ الحدیث شهاب الدین دلاور د یکشنبې په ورځ 31/2/1402 نېټې د پلان او پالیسي او مالي او اداري مرستیالانو په شتون کې د هلمند ولایت د ریګستان سیمې کان کېندونکو سره په خپل کاري دفتر کې ولیدل.
په دې ليدنه کې د یاد ولایت کان کېندونکو د قرارداد د تمدید په اړه خپلې ستونزې او وړاندیزونه شریک کړل، چې د کانونو او پټرولیم وزارت سرپرست د دوی د ستونزو او وړاندیزونو له اورېدلو وروسته د کانونو د قانون او د کانونو د کان کېندنې د طرزالعمل مطابق د همکاريو ژمنه ورسره وکړ.
