د کانونو او پټرولیم وزارت سرپرست د هلمند ولایت د قراردادي شرکتونو له استازو سره وکتل.
د کانونو او پټرولیم وزارت سرپرست شیخ الحدیث شهاب الدین دلاور د سه شنبې په ورځ د مرغومې په 28 د هلمند ولایت د قراردادي شرکتونو له یو شمېر استازو سره وکتل.
په پیل کې د دغه ولایت د شرکتونو استازو د وزارت د سرپرست له کارونو څخه ستاینه وکړه او په ورته وخت کې یې د هغو قراردادونو د تمدید غوښتنه وکړه چې پخوا ترسره شوي وو.
د کانونو او پټروليم وزارت سرپرست د هغوئ د خبرو له اورېدو وروسته زیاته کړه: د هلمند ولایت د روخام ډبرو کانونه به ډېر ژر داوطلبي ته وړاندې شي او هغوی کولی شي چې د داوطلبۍ پروسې وروسته ترلاسه کړي.
