د کانونو او پټرولیم وزارت سرپرست د نیمروز له والي سره وکتل
د کانونو او پټرولیم وزارت سرپرست الحاج ملاهدایت الله بدري په خپل کاري دفتر کې د نیمروز له والي ښاغلي شیخ محمد قاسم خالد سره وکتل.
په دې کتنه کې دواړو لورو د نیمروز ولایت د کاني زېرمو د ښه مدیریت، د کانونو د اکتشاف او استخراج په برخه کې د کورنیو او بهرنیو پانګوالو را جلبول، د عوایدو د کچې لوړولو، د کاني پروژو له لارې د کاري فرصتونو په رامنځته کولو، پانګوالو ته د لازیاتو اسانتیاوو په رامنځته کېدو او د غیر قانوني استخراج د مخنیوي په اړه یې بحث او خبرې وکړې.
