د کانونو او پټرولیم وزارت سرپرست د نورستان له والي سره وکتل
د کانونو او پټرولیم وزارت سرپرست الحاج ملا هدایت الله بدري نن چهارشنبه د 1403/8/23 نېټې د نورستان ولایت له والي ښاغلي قاري زین العابدین سره په خپل کاري دفتر کې وکتل.
په دې کتنه کې د یاد ولایت د کاني زېرمو په ځانګړي ډول د قیمتي او نیمه قیمتي ډبرو د غوره مدیریت په موخه د دواړو خواوو ترمنځ د لا زیاتې همغږۍ په رامنځته کولو، د اقتصادي ودې او پراختیا په موخه د کانونو د پروژو په پیل د عوایدو د کچې لوړولو او ځایي خلکو ته د کار پیدا کولو او په یاد ولایت کې د کانونو د عوایدو له لارې د رغنیزو پروژو د تمویل په اړه یې بحث او خبرې وکړې.
