د کانونو او پټرولیم وزارت سرپرست د مشواڼي قوم له مشرانو او سپینږیرو سره ولیدل
د کانونو او پټرولیم وزارت سرپرست شیخ الحدیث شهاب الدین دلاور د مشواڼي قوم له مشرانو او سپینږیرو سره په خپل کاري دفتر کې ولیدل.
په دغه لیدنه کې د کانونو او پټرولیم وزارت سرپرست مېلمنو ته د ښه راغلاست تر څنګ د مشرانو رول یې د امنیت په برخه کې مهم وبللو.
د مشواڼي قوم مشرانو او سپینږیرو د وزارت مشرتابه له مېلمه پالنې څخه مننه وکړه او خپلې ستونزې او وړاندیزونه یې ورسره شریک کړل.
د کانونو او پټرولیم وزارت سرپرست د مشواڼي قوم د مشرانو او سپینږیرو ستونزې او وړاندیزونه واورېدل او د ستونزو د حل په برخه کې د شته امکاناتو په لرلو سره د همکارئ ژمنه وکړه.
