د کانونو او پټرولیم وزارت سرپرست د قزاقستان هېواد له ډیپلوماتانو سره وکتل
د کانونو او پټرولیم وزارت سرپرست الحاج ملا هدایت الله بدري د دوشنبې په ورځ د ۱۴۰۳/۱۲/۲۷ نېټې په خپل کاري دفتر کې د قزاقستان هېواد له ډیپلوماتانو سره وکتل.
د یاد هیواد ډیپلوماتانو د کانونو او پټرولیم وزارت د مشرتابه له مېلمه پالنې څخه مننه وکړه، د کانونو په برخه کې په ځانګړې توګه د تېلو، ګازو، سرب او جستو په برخه کې د پانګونې په موخه خپله لېوالتیا څرګنده کړه. دغه راز دوی یادونه وکړه چې د قزاقستان هېواد څخه یو تخنیکي ټیم د روان کال په اپرېل کې افغانستان ته سفر وکړي .
د کانونو او پټرولیم وزارت سرپرست د هېواد په کانونو کې د پانګونې په موخه د دوی د لېوالتیا څخه مننه وکړه او د کان کیندنې د قانون سره سم یې د همکارۍ ډاډ ورکړ.
