د کانونو او پټرولیم وزارت سرپرست د بدخشان ولایت له والي سره وکتل
د کانونو او پټرولیم وزارت سرپرست شیخ الحدیث شهاب الدین دلاور په خپل کاري دفترکې د بدخشان ولایت له والي ښاغلي قاري محمد ایوب خالد سره په لیدنه کې په ټول هېواد کې د سرتاسري امنیت د یاد ولایت د کاني زېرمو د مدیریت، د کانونو د استخراج پر څرنګوالي، خلکو ته د کاري زمینې برابرولو او نورو اړوندو موضوعاتو په اړه خبرې وکړې.
د بد خشان والي د کانونو او پټرولیم وزارت له سرپرست سره په لیدنې خوښي څرګنده کړه، دغه راز یې د یاد ولایت د کانونو په برخه شته ستونزې او وړاندیزونه د وزارت له مشرتابه سره شریک کړل.
د کانونو او پټرولیم وزارت سرپرست د بدخشان والي ته ډاډ ورکړ چې دشته امکاناتو په شتون کې به دیاد ولایت د کانونو د ساتنې سربېره د خلکو ستونزو ته هم رسېدنه وشي.
