د کانونو او پټرولیم وزارت سرپرست د ایپیکس2 شرکت له رئیس سره ولیدل
د کانونو او پټرولیم وزارت سرپرست شیخ الحدیث شهاب الدین دلاور د ایپیکس2 شرکت له رئیس ښاغلي عتیق الله نوشېر او مل پلاوي سره په خپل کاري دفتر کې ولیدل.
د ایپیکس2 شرکت رئیس د افغانستان کاني زېرمو په برخه کې د پانګونې په شته فرصتونو، په ځانګړې توګه د سرو زرو، سرب جستو، مسو په اړه خبرې وکړې او د هېواد په کانونو باندې د پانګونې په اړه خپله لېوالتیا څرګنده کړه.
د کانونو او پټرولیم وزارت سرپرست د کانونو په برخه کې د پانګونې په اړه د هغوی له لېوالتیا څرګندولو څخه مننه وکړه زیاته یې کړه: افغانستان د کانونو له پلوه یو بډایه هېواد ده، ټول بهرني پانګوال کولی شي، چې په قانوني توګه په داوطلبیو کې ګډون او پانګونه وکړي.
