د کانونو او پټرولیم وزارت سرپرست د افچین کمپنۍ له رئیس سره ولیدل
د کانونو او پټرولیم وزارت سرپرست شیخ الحدیث شهاب الدین دلاور د افچین کمپنۍ له رئیس ښاغلی شي او مل پلاوي سره په خپل کاري دفتر کې ولیدل.
په دغه لیدنه کې د نفتو د تصفیې د معیاري کارخونې او زېرمو پر جوړولو، د تېرکال حسابونو، د راتلونکي کال لپاره د پلان جوړولو، د نویو څا ګانو د کیندنې په اړه یې بحث او نظرونه شریک کړل.
د افچین کمپنۍ رئیس د یادې کمپنۍ د وروستیو فعالیتونو او پرمختګونو په اړه خپل کاري راپور وړاندې کړ.
د کانونو او پټرولیم وزارت سرپرست د هغوی د کاري راپور له اورېدو څخه وروسته یې د چارو د ښه والي په موخه لازمې لارښونې وکړې.
