د کانونو او پټرولیم وزارت سرپرست د افچین کمپنۍ له رئیس سره ولیدل
د کانونو او پټرولیم وزارت سرپرست شیخ الحدیث شهاب الدین دلاور د شنبې په ورځ د 8/7/1402 نېټې د افچین کمپنۍ له رئیس سره په خپل کاري دفتر کې ولیدل.
په دغه لیدنه کې د افچین کمپنۍ رئیس د سرپل ولایت د قشقري، زمرد سای او انګوت سیمو د نفتو او ګازو څا ګانو د کاري پرمختګ او فعالیتونو په اړه معلومات وړاندې کړل.
همدارنګه د کانونو او پټرولیم وزارت سرپرست د یادې پروژې د ټولنیزو خدمتونو د ترسره کېدو په اړه ټینګاروکړ.
په پای کې د کانونو او پټرولیم وزارت سرپرست د یادې کمپنۍ ستونزې، غوښتنې او نظریات واورېدل، د یادې پروژې د کار د چټکتیا په برخه کې اړوندو مسئولینو ته لازمې سپارښتنې وکړې.
