د کانونو او پټرولیم وزارت سرپرست د افغانستان د صنعت او کانونو سوداګرۍ خونې له عمومي رئیس سره ولیدل
د کانونو او پټرولیم وزارت سرپرست شیخ الحدیث شهاب الدین دلاور د افغانستان د صنعت او سوداګرۍ خونې له عمومي رئیس ښاغلي شیرباز کمین زاده، د افغانستان د کانونو ملي کمېټې رئیس ښاغلي منصور احمدزي او د صنعت او کانونو خونې له غړو سره په خپل کاري دفتر کې ولیدل.
په دغه لیدنه کې د ګمرکي تعرفو، کانونو رویالټي، د کانونو سکټور ستونزې او د کانونو او صنعت خونې تر منځ د وزارت د ملي کمېټې رامنځته کول لکه پخوا چې هم فعالیت درلود او یو شمېر نورو اړوندو موضوعاتو باندې بحث او نظرونه شریک کړل.
د کانونو او پټرولیم وزارت سرپرست د ښه راغلاست تر څنګ او د هغوئ د خبرو له اورېدلو وروسته وویل: د انکشاف او هیواد اقتصادي پیاوړتیا په برخه کې د دواړه ادارو ګډ فعالیتونه مهم رول لري او همدارنګه یې د کانونو سکټور ستونزو په اړه او په اونۍ کې یو ځل د مشورتي ناستو د همکارۍ ژمنه وکړه.
