د کانونو او پټرولیم وزارت سرپرست د ازبکستان د BA holding کمپنۍ له رئیس سره و کتل
د کانونو او پټرولیم وزارت سرپرست شیخ الحدیث شهاب الدین دلاور د ازبکستان د BA holding کمپنۍ له رئیس او مل پلاوي سره په خپل کاري دفتر کې و کتل.
په دغه کتنه کې دواړو لورو د افغانستان د کانونو په برخه کې د پانګونې په شته فرصتونو په ځانګړې توګه د سر تاسري ا منیت په اړه بحث او نظرونه شریک کړل.
د BA holding کمپنۍ رئیس د اوسپنې په کانونو کې د پانګونې په موخه خپله لېوالتیا څرګنده کړه.
د کانونو او پټرولیم وزارت سرپرست د هغوی د لېوالتیا هر کلی وکړ او همدا راز یې د بهرنیو کمپنیو لپاره د پانګونې په برخه کې د لازمو اسانتیاوو برابر ولو په موخه ورسره د لازمو همکاریو ژمنه وکړه.
