د کانونو او پټرولیم وزارت د کابل ولایت د ډبرو سکرو د خرڅلاو له سیمو څخه لیدنه وکړه
د کانونو او پټرولیم وزارت سرپرست شېخ الحدیث شهاب الدین دلاور او مل پلاوي د دوشنبې په ورځ د 7/9/1401 نېټې د ډبرو سکرو د ویش له مرکز ده سبز ولسوالۍ او د کابل ښار د ډبرو سکرو پلورنځیو له 32 سیمو لیدنه او لارښوونه ورته وکړه تر څو د ډبرو سکرو ویش پېل کړي.
د کانونو او پټرولیم وزارت سرپرست د یاد وزارت او هغو شرکتونو له استازو سره چې د کابل ښاریانو د اړتیا وړ ډبرو سکاره چمتو کوي ولیدل او د ډبرو سکرو د ټاکلې بیې د کنټرول او لوړ کیفیت په اړه یې خبرې ورسره وکړې.
له بلې خوا د کابل ولایت اوسیدونکو د ژمي په موسم کې د خپلو کورونو د ګرمولو لپاره د ډبرو سکرو د زیات استعمال په خاطر د کانونو او پټرولیم وزارت د ښو کړنو څخه خوښي څرګنده کړه.
همدارنګه سرپرست وزیر اړوندو مسوولینو ته لارښوونه وکړه چې د ډبرو سکرو د وېش په برخه کې د دوی ستونزې له اصولو سره سم حل او په اړه یې د لازمو اقداماتو ډاډ ورکړي.
