د کانونو او پټرولیم وزارت د چین هیواد د سفارت له مرستیال سره وکتل.

firoz_admin
سه‌شنبه ۱۴۰۱/۲/۲۰ - ۱۳:۳۶
dsd

د کانونو او پټرولیم سرپرست شیخ الحدیث شهاب الدین دلاور نن سه شنبه د (20/2/1401) نیټه په کابل کې د چین هیواد د سفیر له مرستیال ښاغلي دینګ ینان او مل پلاوي سره په خپل کار دفتر کې وکتل. په دغه لیدنه کې د مس عینګ پروژې د تحرک رامنځته کولو په برخه کې د وروستیو پرمختګونو په اړه خبرې اترې وکړې.

د کانونو او پټرولیم وزارت سرپرست وویل: زموږ اساسي موخه د کانونو په سکتور کې د تحرک رامنځته کول دي او په ځانګړې توګه د مس عینک پروژې د ستونزو حل زموږ له لومړیتوبونو څخه دي. او همدارنګه یې زیاته کړه "د افغانستان اسلامي امارت ژمن دی چې دغه پروژه ژر تر ژره عملي کړي، ترڅو عملي کار یې پیل شي او خلکو ته د کار زمینه برابره شي چې دا به د دواړو هېوادونو په ګټه ده."

د کانونو او پټرولیم وزارت سرپرست وویل افغانستان له چین سره اوږدمهاله تاریخي او اقتصادي همکاري لري او د دغو اړیکو لا پراختیا ته ژمن دی. ښاغلي دينګ ينان د کانونو او پټروليم وزارت له مشرتابه څخه د دوی د پاملرنې څخه مننه وکړه او په سيمه کې يې د لرغونو اثارو د انتقال غوښتنه وکړه، څو ژر تر ژره د مس عینک پروژې عملي کار پيل شي. او همدارنګه نوموړي د پروژې د پرمختګ په برخه کې د همکارۍ ډاډ هم ورکړ.

تازه خبرونه

یکشنبه ۱۴۰۴/۴/۲۲ - ۲۲:۱۱
Background image

د نورستان ولایت د قیمتي او نیمه قیمتي ډبرو د پلور داوطلبۍ ترسره شوه

د نورستان ولایت د کامدېش ولسوالۍ د قیمتي او نیمه قیمتي ډبرو د پلور داوطلبۍ (بولۍ) دیاد ولایت د کانونو رئیس مولوي سید رحیم، د کمېټې غړو، سیمه یزو مسوولینو، او د ولایتي ادارو د بېلا بېلو. . .

پنجشنبه ۱۴۰۴/۴/۱۹ - ۸:۱۰
Background image

د کانونو او پټرولیم وزارت سرپرست د هرات او غور ولایتونو له والیانو سره وکتل

د کانونو او پټرولیم وزارت سرپرست الحاج ملا هدایت الله بدري په خپل کاري دفتر کې د ۱۴۰۴ لمریزکال د چنګاښ په ۱۸مه نېټه د هرات والي شیخ نور احمد اسلام جار او د غور له والي مولوي حیات الله. . .

سه‌شنبه ۱۴۰۴/۴/۱۷ - ۱۶:۲۴
Background image

په میدان وردګو ولایت کې د سرب او انټیموني د پروسېس کارخونه پرانیستل شوه

په میدان وردګو ولایت کې د افغان قرغیز د سرب او انټیموني د پروسېس کارخونه د کانونو او پټرولیم وزارت سرپرست الحاج ملاهدایت الله بدري، د چارو ادارې لوی رئیس شیخ نورالحق انور، د یاد ولایت. . .

بېرته خبرونه ته