د کانونو او پټرولیم وزارت د رهبرۍ شپږمه ناسته تر سره شوه
د کانونو او پټرولیم وزارت د رهبرۍ شپږمه ناسته د کارونو د چټکتیا په موخه د وزارت سرپرستوزیر ښاغلي عنایتالله مومند تر مشرۍ لاندې د [#جیولوژۍ_سروې، #پلان_او_پالیسۍ او #مالي_او_اداري] مرستیالانو، رئیسانو او د وزارت ارشد سلاکارانو په ګډون د وزارت د کنفرانسونو په تالار کې جوړه شوه.
د قرآنکریم له تلاوت وروسته، سرپرستوزیر په غونډه کې د کارکونکو د هېواد څخه د باندېنیو علمي لاسته راوړنو یادونه وکړه، او د نوموړو علمي لاسته راوړنو د وړاندې کولو په اړه یې لازمې لارښوونې ورکړې.
ورپسې د کاډسټر عمومي ریاست لخوا د لغمان ولایت د ودانیزو موادو( سول، جغل او تعمیراتي ډبرو) کاني حالت په اړه راپور وړاندې او د وزارت رهبرۍ لخوا د موضوعاتو د حل په موخه لازم هدایات ورکړل شول.
د ناستې په وروستۍ برخه کې، دفتر ریاست د مشرتابه د ناستو طرزالعملو په اړه او حقوقي عمومي ریاست د کاني سیمو د سروېګانو د غوښتنلیکونو او د هغو د طرزالعملو او مراحلو طۍ کول وړاندې کړل، چې ذکر شوي طرزالعملونو د درج شویو ملاحظاتو په پرنسیپ کې د تأیید وړ وګرځیدې.
یاده غونډه د پوښتنو او پیشنهاداتو په وړاندې کولو سره پای ته ورسیده.
#کانونو_او_پټرولیم_وزارت #MoMP
