د کانونو او پټرولیم وزارت د رئیسانو د یو کلنو کړنو د ارزونې بهیر پیل شو
د ملکي خدمتونو د لارښوونو او کړنلارو پر بنسټ، د اداري اصلاحاتو او ملکي خدمتونو خپلواک کمیسیون په همکارۍ د ۱۴۰۴/۲/۹ نېټه د سهشنبې په ورځ د کانونو او پټرولیم وزارت د مالي او اداري معینیت د رئیسانو د یو کلنو فعالیتونو او کړنو د ارزونې بهیر پیل شو. په دې ناسته کې مالي او اداري مرستیال الحاج مولوي حسامالدین صابري، د کارکوونکو چارو رئیس مولوي احمد ضیاء خاکسار ، د اداري اصلاحاتو او ملکي خدمتونو کمیسیون او د وزارت د ارزونې داخلي کمېټې استازو ګډون کړی و.
یاده ارزونه د اړوندو رئیسانو له خوا د وړاندې شوي کاري پلان پر بنسټ ترسره شوه. د دې ارزونې موخه د شته ستونزو پیژندنه، د ظرفیت لوړولو په اړه پرېکړې، د انګېزې لوړول، د راتلونکو موخو ټاکل او د کارکوونکو ترمنځ د اړیکو ښه کول دي.
