د کانونو او پټرولیم وزارت د خدماتو او اداري رئیس معرفي کېدل
د وزارت د مقام په پیشنهاد او د ریاست الوزرا د محترم مقام د حکم په اساس ښاغلی مولوي حبیب الله د خدماتو او اداري د نوي رئیس په توګه د پلان او پالیسي مرستیال شیخ ضیاءالرحمن الاریوبي له لوري د یوشمېر رئیسان په شتون کې، د یاد ریاست کارمندانو ته ور وپېژندل شو.
د پلان او پالیسي مرستیال د خدماتو او اداري نوي رئیس ته مبارکي ورکړه او زیاته یې کړه: نوموړی مخکې د لویو کانونو ریاست کې د غیرفلزي کانونو د قراردادونو د آمر په توګه دنده ترسره کوله او له ډېر تجربې برخمن دی په ټولو چارو کې ورته د بریالیتوب هیله کوو.
مولوي حبیب الله د کانونو او پټرولیم وزارت د مشرتابه له باور څخه مننه وکړه ویې ویل: په ټولو چارو کې به هر اړخیزې هڅې ګړندی وساتو.
