د کانونو او پټرولیم وزارت د اداري غونډې جوړول

د وزارت اداري غونډه د کانونو او پټرولیم وزارت سرپرست ښاغلي شیخ الحدیث شهاب الدین دلاور په مشرۍ نن چهارشنبه د 3/12/1401 نېټې د یاد وزارت د غونډو په تالار کې ترسره شوه.
په دغه غونډه کې د مالي او اداري مرستیال مولوي حسام الدین صابري، د پلان او پالیسي مرستیال شیخ ضیاء الرحمن الاریوبي، د جیولوجي سروې مرستیال او یو شمير رئیسانو ګډون درلوده. چې د کانونو او پټرولیم وزارت سرپرست د وزرات د تشکل، فعلیتونو، لاسته راوړنو او د قشقري ګاز د قرارداد په اړه خبرې وکړې او همدارنګه یې په دې وروستیو کې د وزارت د عوایدو سطحې لوړل او په بریالۍ توګه د کابل ښاریانو ته د ډبرو سکرو له ویش څخه ستاینه وکړه.
غونډه د رئیسانو د راپورونو له اورېدو او د وزارت د کاري چارو د لا ښه والي په موخه د مشرتابه پلاوي له لوري د لازمو لارښوونو په ورکولو پای ته ورسېده.