د کانونو او پټرولیم وزارت اداري ناسته تر سره شوه:

د کانونو او پټرولیم وزارت اداري ناسته د یاد وزارت سرپرست ښاغلي شیخ الحدیث شهاب الدین دلاور په مشرۍ د پلان او پالیسي، مالي او اداري مرستیالانو، رئیسانو په شتون کې نن چهار شنبه 28/10/1401 نېټې په خپل کاري دفتر کې تر سره کړه.
په دې ناسته کې د کانونو او پټرولیم وزارت د فعالیتونو او کارونو په اړه د بحث تر څنګ د آمو سیند، مس عینک او ټاپي پروژو په اړه هم خبرې اترې وشوې.
د اداري غونډې په پای کې د اړوندو ادارو د دندو په اړه د معلوماتو په ورکولو او د چارو د لا ښه والي په موخه د وړاندیزونو او نظریاتو په وړاندې کولو او د مشرتابه پلاوي له لوري د لازمو ډالیو په ورکولو سره پای ته ورسیده.