د کانونو او پټرولیم وزارت اداري غونډه ترسره شوه
د کانونو او پټرولیم وزارت سرپرست شیخ الحدیث شهاب الدین دلاور په مشرۍ اداري غونډه، چې پکې مرستیالانو او د بېلابېلو برخو رئیسانو او امرینو ګډون کړی و، د کارونو د چټکتیا او ا نسجام په موخه د یاد وزارت د غونډو په تالار کې ترسره شوه.
د کانونو او پټرولیم وزارت سرپرست د غونډې په پیل کې د مسئولینو د کارونو او وظیفوي مکلفیتونو په ښه ترسره کېدو ټینګار وکړ ویې ویل: ټول مسئولین باید په همغږۍ، سمه توګه او شفافیت سره خپلې چارې مخته یوسي.
د غونډې په دوام د بېلابېلو موضوعاتو ترڅنګ یې د کوچنیو کانونو، لويو کانونو، د ډبرو سکرو، نفت او ګازو قراردادونو او همداررنګه د ساحوي ټیمونو د حساباتو پر تصفیې، د خلکو د پوهاوي په موخه د کانونو د معلوماتي بستې برابرول او د پانګوالو په اړه یې بحث او نظرونه شریک کړل.
په پای کې د کانونو او پټرولیم وزارت سرپرست د غونډې د ګډونوالو ستونزې، غوښتنې، واورېدې د شته ستونزو د هواري په موخه یې لازمې لارښونې وکړې.
