د کانونو او پټرولیم وزارت اداري غونډه ترسره شوه
د کانونو او پټرولیم وزارت سرپرست شیخ الحدیث شهاب الدین دلاور په مشرۍ اداري غونډه د تخنیکي مرستیال انجنیر وحیدالله حلیمي او د بېلابېلو برخو رئیسانو او مسئولینو په ګډون نن ورځ ترسره شوه.
غونډه د قران عظیم الشان د مبارکو ایتونو په تلاوت سره پیل شوه، ورپسي د کانونو او پټرولیم وزارت سرپرست د افغانستان د کاني زېرمو داهمیت په ځانګړې توګه د نفت او ګازو په اړه یې خبرې وکړې او د هغو د مدیریت او تنظیم په اړه یې ټېنګار وکړ.
وروسته یې د تېرې غونډې په دوام د ځینو موضوعاتو په اړه یې بحث او څېړنه وکړه، د غونډې د ګډنوالو ستونزې او غوښتنې یې واورېدې د شته ستونزو د هواري په موخه یې لازمې سپارښتنې وکړې.
همدارنګه د کان کیندني په برخه کې د چاپیریالي ستونزو په اړه د جیولوجي او چاپېریال ساتنې ریاست له لوري د پرزنټېشن له لارې معلومات وړاندې شول، په همدې موخه د کانونو او پټرولیم وزارت سرپرست د چاپیریال ککړتیا د مخنیوي په اړه لازمې لارښونې وکړې.
دغونډې په پای کې یې د هېواد اسلامي نظام او خلکو پرمختګ لپاره دعا وکړه.
