د کانونو او پټرولیم وزارت اداري غونډه ترسره شوه
د کانونو او پټرولیم وزارت سرپرست شیخ الحدیث شهاب الدین دلاور په مشرۍ د مرستیالاتو، رئیسانو او د بېلابېلو برخو استازو په ګډون اداري غونډه نن د وزارت د غونډو په تالار کې تر سره شوه.
د غونډې په پېل کې رئیسانو خپلې ټولې ستونزې د یاد وزارت له سرپرست شیخ الحدیث شهاب الدین دلاور او له اړوندو رئیسانو سره شریکې کړې.
په پای کې د کانونو او پټرولیم وزارت سرپرست د کار د چټکتیا په اړه لازمې لارښوونې وکړې او د وزارت رئیسانو او مسولینو ته یې په سمه توګه د کارونو سرته رسولو په اړه سپارښتنې وکړې.
