د کانونو او پټرولیم وزارت اداري غونډه ترسره شوه
د کانونو او پټرولیم وزارت سرپرست شیخ الحدیث شهاب الدین دلاور په مشرۍ اداري غونډه د مرستیالانو، ریسانو د بېلابېلو برخواستازو په شتون کې سه شنبه د ۱۷/۵/۱۴۰۲ نېټې د کنفرانسونه په تالار کې ترسره شوه.
د کانونو او پټرولیم وزارت سرپرست د وزارت د وروستيو کړنو او فعالیتونو په اړه خبرې وکړي او همدارنګه د هرات ولایت غوریان ولسوالۍ د اوسپنې کان او د غور ولایت د تولک سرب او جست کان د کانونو پټرولیم وزارت له عمده لاسته را وړنو څخه یاد کړل. او یاد کانونه یې د هېواد د پرختیا لپاره مهم وبلل.
همدارنګه د جیولوجي او سروې معنیت MIS ریاست د کانونو او پټرولیم وزارت د الکټرونیکي سیستم په اړه د ولایتونو د ترازوګانو کنټرول او په مرکز کې د عرایضو د ثبت سیستم په اړه پرزنټېشن ورکړ.
په پای کې د کانونو او پټرولیم وزارت سرپرست د کار د چټکتیا په اړه لازمې لار ښوونې وکړې او د وزارت د رئیسانو او مسولینو ته یې په رښتنې توګه د کارونو سرته رسولو په اړه سپارښتنې وکړې.
