د کانونو او پټروليم وزارت رهبري غونډه تر سره شوه
د کانونو او پټروليم وزارت رهبري غونډه د سرپرست وزير شيخ الحديث شهاب الدين دلاور په مشرۍ د4/8/1402 نېټې د مرستيالانو او رئيسانو په ګډون تر سره شوه.
په دغه غونډه کې د تېرې اونۍ فعالیتونو ته کتنه او د اړوند ریاستونو کاري راپور او همدارنګه د ګچو لپاره د معلوم قېمت ټاکل، د مامورینو د اپارتمانو د ورکړې په موخه د هئیت ټاکل، د کانونو او پټرولیم وزارت د قراردادیانو دستونزو هوارولو او د طرزالعملونو کمېټې ټاکلو په اړه یې بحث او نظرونه شریک کړل.
په پای کې د کانونو او پټرولیم وزارت سرپرست د غونډې د ګډونوالو د ستونزو او غوښتنو له اورېدو څخه وروسته د کارونو د چټکتیا او ښه والي په موخه لازمې لارښونې وکړې
