د ډايکنډي ولايت د سیند شګو په کانونو کې ګڼ شمېر کسان په کار بوخت دي
د دغه ولایت د سیند شګو په کانونو کې چې د مروارید نیلي افغان د استخراج شرکت سره یې قرارداد شوی دی په مستقیم او غیر مستقیم ډول له 60 څخه زیات کسان پکې په کار بوخت دي.
د یاد شرکت له لوري د ډایکنډي په مرکز نیلي کې په څلورو سیمو کې اوس مهال په پوره روڼتیا سره کار پرې روان دی دغه راز د شرکت د ژمنو سره سم د ټولنیزو خدمتونو او چاپيریال ساتنې برخې ته یې هم پیسې ځانګړې کړي چې دپلان سره سم به یې په راتلونکې کې پلي کړي.
د یاد شرکت د مسئولینو پر وینا د کارونو په پراختیا سره به لا زیات شمېر کسانو د کار زمینه برابره شي.
