د چین هیواد له سفیر سره د کانونو او پټرولیم وزارت سرپرست ليدنه
![عه](/sites/default/files/2022-08/img-20220824-wa0009.jpg)
د کانونو او پټرولیم وزارت سرپرست شیخ حدیث شهاب الدین دلاور د خپلو مرستیالانو او یو شمېر رئیسانو په ګډون د چین هیواد د خلق جمهوریت له سفیر ښاغلي وانګ یو او مل پلاوي سره نن چهار شنبه 2/6/1401 نېټې په خپل کاري دفتر کې ورسره ولیدل، چې د مس عینک پروژې پر مشکلاتو او همدارنګه د آمو دریا پر پروژې خبرې وکړې.
د کانونو او پټرولیم وزارت سرپرست ښاغلي وانګ یو او مل پلاوي ته د ښه راغلاست تر څنګ وویل:”د مس عینګ پروژه د افغانستان او د دغه هېواد د خلکو لپاره ډېره مهمه او حیاتي ده او موږ غواړو چې د دې پروژې عملي کار هر څومره ژر چې امکان لري پیل شي“.
د چين سفير د يادې پروژې د پرمختګ په برخه کې د کانونو او پټروليم وزارت له همکارۍ او پاملرنې څخه مننه وکړه او زیاته یې کړه:”چې د لرغونو اثارو د لېږد په اړه يې د اطلاعاتو او فرهنګ وزارت له مسؤلینو سره ليدنې کړي او هغوى هم په دې هڅه کې دي چې د مس عینک کان څخه د لرغونو اثارو له انتقال وروسته ژر تر ژره د استخراج چارې یې پېل کړي“.