د پلان جوړونې او راپور ورکولو په اړه د پوهاوي او روزنې پروګرام جوړ شو
د کانونو او پټرولیم وزارت د پلان، څارنې او ارزونې د عمومي ریاست له خوا د مرکزي ادارو د رئیسانو، مسوولینو او کارکوونکو لپاره د پلان جوړونې او راپور ورکولو روزنیز پروګرام د کانونو او پټرولیم وزارت په تالار کې جوړ شو.
دغه پروګرام چې د څو مبارکو ایتونو په تلاوت سره پیل شو، ورپسې د کانونو او پټرولیم وزارت سرپرست شیخ الحدیث شهاب الدین دلاور ګډونوالو ته ښه راغلاست وویل او د پلان جوړونې او راپور ورکولو په اړه یې معلومات وړاندې کړل، نوموړي د غونډې ګډونوالو ته په خطاب کې وویل، تر ټولو غوره علم دا دی چې ترې ګټه پورته کړو او د خپل وطن او دردېدلي ولس په خدمت کې یې ولګوو.
وروسته د پلان، څارنې او ارزونې عمومي رئیس قاضی محمد حسن "حقیار" او د څارنې او ارزونې رئیس قاري محمد هارون ابوبکر له خوا د پروګرام په اړه توضیحات د غونډې ګډونوالو ته وړاندې شول.
د دې پروګرام جوړولو څخه مو موخه د کانونو او پټرولیم وزارت کې د پلان جوړونې، راپور ورکولو او د څارنې او ارزونې سیسټمونو د چمتو کولو او تنظیم کولو لپاره د کارمندانو د پوهاوي کچې لوړول دي.
ورپسې پروګرام د راپور جوړونې کارپوه محمد حارث برومند او د څارنې او ارزونې کارپوه فرید احمد کاظمي لخوا د پریزنټیشن له لارې وړاندې شو او په پای کې د ګډونوالو پوښتنو ته ځوابونه وویل شول.
