د پروان، کاپیسا او ننګرهار ولایتونو د نفرایټ ډبرو کانونو داوطلبۍ ترسره شوه.

د پروان، کاپیسا او ننګرهار ولایتونو د نفرایټ ډبرو کانونو داوطلبۍ د 1400کال د کب په لومړۍ نېټه د کانونو او پټرولیم وزارت د غونډو په تالار کې ترسره کړه.
د کانونو او پټرولیم وزارت سرپرست شیخ الحدیث شهاب الدین دلاور د یادو ساحو د نفرایټ ډبرو داوطلبي چې مخکې اعلان ته سپارلي وو،  د موظف هیئت او 88 هغو شرکتونو په حضور کې چې د وړاندیزونو په ارزولو کې یې د داوطلبۍ شرایط پوره کړي وو، داوطلبي یې د یوې شفافې پروسې له مخې تر سره کړه.
په یاده داوطلبۍ کې د کاپيسا ولایت د تګاب ولسوالۍ د نفرایت ډبرې کان د رویالیټي په لوړ قېمت في ټن په (1500000) پنځه لکه افغانۍ د تګاب والګي شرکت، د ننګرهار ولایت د انګورتاک ولسوالۍ د نفرایټ ډبرو کان د رویالټي په لوړ قېمت في ټڼ (5787362) اوه پنځوس لکه اوه اتیه زره درې سوه او دوه شپېته افغانۍ د مومند سهاګ شرکت او د پروان ولایت د کوه صافي د نفرایټ ډبرو کان د رویالټي په لوړ قېمت في ټن (665000) شپږ لکه او پنځه شپېته زره افغانۍ د سید الرحمن شرکت ګټونکي اعلان کړل.