د ټاپي پروژې چارې په هرات ولایت کې په چټکتیا سره روانې دي
د کانونو او پټرولیم وزارت د مشرتابه په زیاتو هلو ځلو سره د ټاپي سترې پروژې چارې د هرات ولایت په سرحد اباد سیمې کې په چټکتیاسره روانې دي
چې اوس مهال یې د لس کیلومټرو په اوږدوالي چارې بشپړې شوي دي او د 3100 مترو په اوږدوالي د هرات، تورغنډۍ لويې لارې په اوږدو کې د نللیکې د غځولو لپاره سرک رغول شوی دی، دغه راز د سروې، ماشینرۍ، د نللیکو را وړل او نورو اړین توکو په برخه کې هم زیات پرمختګ شوی دی، چې په راتلونکې کې به د ټاپي سترې پروژې چارې لا ګړندۍ شي.
