د وزارت ستر سلاکار د MTA international Company کمپنۍ له رئيس سره وکتل

د کانونو او پټرولیم وزارت ستر سلاکارانجنیر وحید الله حلیمی، د مقام د دفتر عمومي رئیس الحاج معراج محمد معراج د چهارشنبه په ورځ د ۱۴۰۴/۲/۱۷ نېټه  د وزارت د غونډو په تالار کې د ترکیې هېواد د MTA international Company  کمپنۍ له رئیس ډاکټر نایل یلدریم سره وکتل.
په دغه کتنه کې د یادې کمپنۍ رئیس د افغانستان د کاني سرچینو په برخه کې په ځانګړې توګه د مسو، نادره عناصرو او سرو زرو کانونو کې د پانګونې په موخه خپله لېوالتیا څرګنده کړه دغه راز یې د خپلې کمپنۍ د چارو په اړه لنډ معلومات وړاندې کړل.
د وزارت ستر سلاکار د هېواد په کاني زېرمو کې د دوی د پانګونې هر کلی وکړ، دغه راز یې په یادو برخو کې ورسره د کانونو د کړنلارې اړوند د هر راز قانوني همکاریو ژمنه وکړه.