د هېواد په دولسو ولایتونو کې د شکایتونو اورېدلو صندوقونه نصب شول

د کانونو او پټرولیم وزارت د هېواد بېلابېلو ولایتونو کې د اړوندو ستونزو ته د لا ښه رسېدو په موخه، د بدخشان، تخار، کندز، فاریاب، جوزجان، سرپل، مزار شریف، سمنګان، بغلان، پروان، پنجشیر او کاپیسا ولایتونو د کانونو ریاستونو کې د شکایتونو د اورېدلو صندوقونه نصب کړل.  
هېوادوال کولای شي خپل شکایتونه د کانونو د قاچاق، غیرقانوني کیندنې، د تړونونو روڼتیا او له کانونو سره د اړوندو ټولو ستونزو په اړه د یادو صندوقونو له لارې او همداراز د (181) او (0202927192)وړیا شمېرو  په وسیله له موږ سره شریک کړئ.  
د کانونو او پټرولیم وزارت د شکایتونو د اورېدلو مسوولین به ستاسو شکایتونه پرله‌پسې راټولوي او ژر تر ژره یې د وزارت له مشرتابه سره شریکوي. موږ ډاډ درکوو چې ستاسو شکایتونه به د نافذه قوانینو په چوکاټ کې څېړل کېږي او رسېدنه به ورته کېږي.  
هیله لرو ګرانو هېوادوالو خپلې ستونزې او شکایتونه د کانونو په برخه کې په کره، مستند او د حقیقت پر بنسټ له موږ سره شریک کړئ.