د هېواد د کانې زېرمو په برخه کې ترکي پانګوال خپله لېوالتیا څرګنده کړه
د کانونو او پټرولیم وزیر الحاج ملاهدایت الله بدري د ۱۴۰۴ لمریز کال د لړم میاشت په لومړی نېټه په خپل کاري دفتر کې له یوتن ترکي پانګوال سره وکتل.
یاد پانګوال د کاني زېرمو په برخه کې د پانګونې او د خپلې کمپنۍ د چارو په اړه لنډ معلومات وړاندې کړل ویې ویل زموږ کمپنۍ ډېره تجربه لري له ډېرو کلونو راهیسې د کاني سرچینو په برخه کې کار کوو موږ چمتو یو چې د کانونو، ودانیزو چارو او د تېلو د تصفیې په برخه کې پانګونه وکړو نوموړي دغه راز د نفتو او ګازو څاه ګانو د بیا رغونې خبره وکړه زیاته کړه چې په یادو برخو د دوی کمپنۍ ښې وړتیاوې لري.
د کانونو او پټرولیم وزیر د هغوی د لېوالتیا هر کلی وکړ وویل موږ له هغه چاسره کار کولو ته ژمن یو چې هغوی ښه وړتیاوې لري دغه راز نوموړي ورسره د کاني سرچینو په برخه کې د پانګونې په موخه د اسانتیاوو رامنځته کولو ژمنه وکړه.
