د هرات له صنعتي ښارګوټي څخه د کانونو او پټرولیم وزیر لیدنه

firoz_admin
سه‌شنبه ۱۴۰۰/۳/۱۸ - ۸:۳۰
ff

د کانونو او پټرولیم وزیر محمد هارون چخانسوري، پداسې حال کې چې د کانونو او پټرولیم وزارت د پالیسیو او استخراجي برنامو مرستیال محمدعتیق ذکي، د صنعت او سوداګرۍ وزارت د صنعت او تجارت مرستیال، محمد سلیمان بن شاه، د مالیې وزارت د عوایدو او ګمرکاتو مرستیال عالم شاه ابراهیمي او د هرات ولایت یو شمیر کان ایستونکو او صنعت کارانو سره یو ځای، تیره ورځ د هرات په صنعتي ښارګوټي کې د سینګاري (تزئینی) ډبرو د پروسس، د اوسپنې تولید او پروسس، د بټریو تولید او د پلاستیکي تولیدي فابریکو څخه لیدنه ترسره کړه.

د ېادې لیدنې په ترڅ کې، صنعت کارانو د کانونو او پټرولیم وزیر او ورسره مل پلاوي ته د فابریکو او همدارنګه د دوی د فعالیتونو د دوام او پراختیا په اړه خپل نظریات، ستونزې او ننګونې واورولې.

له هغې وروسته، د کانونو او پټرولیم وزیر د هرات له والي او د مالیې، صنعت او سوداګرۍ له مرستیالانو سره په ګډه د هرات ولایت د پانګوالو په ناسته کې ګډون وکړ. د کانونو او پټرولیم وزیر د پانګوالو د نظریاتو او وړاندیزونو له اوریدو وروسته، د افغانستان خصوصي سکتور، په ځانګړي توګه د کانونو او صنعت کارانو له فعالیتونو څخه د مننې ترڅنګ، د شته ننګونو د حل لپاره د کانونو او پټرولیم وزارت د راتلونکو پلانونو په اړه خبرې وکړې.

ښاغلي چخانسوري پخپلو خبرو کې د سینګار (تزئینی) ډبرو د صادراتو د اسانتیا او په صنایع استخراجي سکتور کې د نوي پانګوونې، په ځانګړي توګه د شاوخوا 85 کوچنی او 23 لوی مقیاس د کان کیندنې د پروژو په اړه خبرې وکړې. همدارنګه ښاغلي چخانسوري په نږدې راتلونکي کې د ټاپي ګازي پایپ لاین پروژې باندې د کار د پیل او د هرات د تیلو ساحې د سروې په اړه هم معلومات وړاندې کړل.

تازه خبرونه

سه‌شنبه ۱۴۰۰/۴/۱ - ۱۸:۸
Background image

د قیمتي‌ او نیمه قمیتي‌ ډبرو د طرزالعمل د تطبیق د هماهنګۍ له پاره غونډه وشوه

د قیمتي‌او نیمه قیمتي‌ ډبرو طرز العمل چې د اقتصادي عالي شورا له خوا تصویب شوی  او تر تطبیق لاندې و، د لا ښه  اغیزناکه تطبیق له پاره یې نن د کانونو او پټرولیم وزارت کې د هماهنګي غونډه. . .

سه‌شنبه ۱۴۰۰/۴/۱ - ۱۲:۵۹
Background image

افغانستان د استخراجي صنایعو د روڼتیا نوښت (AEITI) اووم راپور خپور کړ

د افغانستان د استخراجي صنایعو د روڼتیا نوښت  (AEITI جون میاشتې په ۱۹ مه کال ۲۰۲۱ میلادي چې د ۱۴۰۰ ه ل د غبرګولي له ۲۹ مې نیټې سره سمون لري، اووم راپور خپور کړ. د یادونۍ وړ دې چې د AE. . .

سه‌شنبه ۱۴۰۰/۳/۲۵ - ۱۶:۸
Background image

د افغانستان او چک جمهوریت چارواکو د دواړو هیوادونو  ترمنځ د سوداګرۍ او پانګونې په اړه ناسته ترسره کړه

په دغه ناسته کې د افغانستان د کانونو او پټرولیم وزیر محمد هارون چخانسوري، د صنعت او سوداګرۍ وزیر نثار احمد فیضي غوریاني، د پانګونې اسانتیا واحد عمومي رییس عطاالله نصیب، د ملي تداروکاتو. . .

بېرته خبرونه ته