د نورستان ولایت د قیمتي او نیمه قیمتي ډبرو د پلور داوطلبۍ ترسره شوه
د نورستان ولایت د کامدېش ولسوالۍ د قیمتي او نیمه قیمتي ډبرو د پلور داوطلبۍ (بولۍ) دیاد ولایت د کانونو رئیس مولوي سید رحیم، د کمېټې غړو، سیمه یزو مسوولینو، او د ولایتي ادارو د بېلا بېلو ریاستونو استازو په شتون کې دیوې رڼې پروسې په ترڅ کې ترسره شوه.
په یاده بولۍ کې(١٦٥) کیلوګرامه بېروج د(١٢٠) میلیونه افغانیو په قیمت سره و پلورل شوې، چې پکې د اسلامي امارت ونډه (١٢) میلیونه افغانۍ ده.
د يادونې وړ ده چې په یاده بولۍ کې د لومړي ځل لپاره د نورستان له کانونو څخه استخراج شوي یاقوت هم وپلورل شول.
