د ننګرهار ولایت د نفرایټ ډبرو کان داوطلبي
د ننګرهار ولایت د کامې ولسوالۍ د میرزاخېلو په سیمه کې د نفریټ ډبرو کان د داوطلبۍ پروسه چې مخکې اعلان ته سپارل شوې وه، نن شنبه د 21/12/1400 نېټه د کانونو او پټرولیم وزارت د موزیم په تالار کې په شفافه توګه ترسره شوه.
د کانونو او پټروليم وزارت سرپرست شېخ الحديث شهاب الدين دلاور د يادې سيمې د نفرايټ ډبرو داوطلبي چې مخکې اعلان ته سپارلې وه د موظف هيئت او يو شمېر هغو شرکتو په شتونکې چې د پروپزلونو ارزونې کې د داوطلبي شرايط پوره کړي وو یاده پروسه يې په شفافه توګه تر سره کړه.
په دغه داوطلبي کې د میرزاخېلو د نفرایټ ډبرو کان د ارزش د کان کېندنې استخراج او پروسس شرکت في ټن د 4000000 څلور ميلیونه افغانۍ په ارزښت ګټونکی شو.
