د مس عینک د  پروژې د کار د پیل په موخه ګډه ناسته

د کانونو او پټرولیم وزارت، اطلاعاتو او کلتور وزارت او د MJAM شرکت ګډه ناسته د کانونو او پټرولیم وزارت سرپرست شیخ الحدیث شهاب الدین دلاور، د اطلاعاتو او کلتور وزارت اداري معین مولوي سعید الدین، د کلتور معین عتیق الله غزیزی او د نشراتو معین زبیح الله مجاهد او د MJAM کمپنۍ معاون اومین په شتون کې نن شنبې 3/2/1401 نېټې تر سره شوه.
په دغه ناسته کې د کانونو او پټرولیم وزارت، د اطلاعاتو او فرهنګ وزارت او د MJAM شرکت استازو د مس عینک پروژې د کار د پیل، د عینک د سیمې د لرغونو اثارو او د بامیان د ډبرو سکرو د کان د کار د پیل په اړه د بحث او نظرونو په ترڅ کې درې واړو خواوو ژمنه وکړه چې هر یو په خپله برخه کې د عینک پروژې د کار د پیل لپاره له هیڅ ډول هڅو څخه ډډه نه کوي.
او همدارنګه د اطلاعاتو او کلتور وزارت ژمنه وکړه چې د مس عنیک د پروژې د کار د چکټیا په موخه د عینک په سیمه کې د لرغونو اثارو د انتقال ژمنه وکړه او د یادې پروژې کار به ژر تر ژره پېل کړي.