د مدني ټولنې غړو لپاره د عامه پوهاوي برنامه
د روان کال د چنګاښ میاشتې د ۲۰ مې څخه تر ۲۳ مې په هرات ولایت کې د مدني ټولنې غړو لپاره د عامه پوهاوي برنامه په لاره اچول شوي وه. په یاده برنامه کې د اړینو موضوعاتو لکه د افغانستان د استخراجي صنایعو د روڼتیا نوښت (AEITI) د پیژندنې سربېره، د استخراجي صنایعو د روڼتیا نوښت (EITI) شرطونو او اړتیاوو، ټولنیزې هوکړې او د هغو اثرات پر چاپیریال ساتنې، په هرات ولایت کې د کانونو اوسني وضعیت، جنډر او په استخراجي سکټور کې د ښځو د ونډې ترڅنګ، د روڼتیا پورټال او د هغې ګټې په مفصله توګه ګډونوالو ته بیان شوې
د یادونې وړ ده چې یاد پروګرام د AEITI د ملي سکرتریت – مدني ټولنې ټاکنیزو حوزو د غړو – جنډر – د RDF دفتر او د هرات د کانونو ریاست لخوا د GIZ په مالي مرسته وړاندې شو.
