د لویو کانونو د چارو تنظیم رئیس معرفي شو

ښاغلی انجنیر امید خُرم د کانونو او پټرولیم وزارت د 28/9/1444 نېټې 200 شمېرې پیشنهاد او د ریاست الوزراء لوی مقام 17/10/1444 نېټې 3632 شمېر حکم په اساس د کانونو او پټرولیم وزارت د لویو کانونو د چارو تنظیم رئیس په توګه ګمارل شوی و. چې نن د کانونو او پټرولیم وزارت سرپرست ښاغلي شیخ الحدیث شهاب الدین دلاور له لوري د یو شمېر رئیسانو په ګډون د یاد ریاست کار کوونکو ته ورمعرفي کړ.
د کانونو او پټرولیم وزارت سرپرست د لویو کانونو د چارو تنظیم رئیس ته د مبارکۍ ترڅنګ په ټولو ورسپارل شویو چارو کې د بریالیتوب هیله وکړه.
د لویو کانونو د چارو تنظیم نوي رئیس د یاد وزارت له مشرتابه څخه د باور کولو څخه مننه وکړه او ویې ویل چې د اړوندو چارو د پرمخ بیولو لپاره به له خپلو همکارانو سره هر اړخیزې هڅې وکړم.