د فاریاب ولایت د مالګې کان  داوطلبي تر سره شوه:

د فاریاب ولایت اندخوۍ ولسوالۍ د مالګې کان داوطلبي نن شنبې 10/10/1401 نېټې د یاد وزارت د غونډو په تالار کې په شفافه توګه ترسره کړه. 
د فاریاب ولایت د اندخوۍ ولسوالۍ د مالګې کان چې مخکې اعلان ته سپارلی و، د کانونو او پټرولیم سرپرست وزیر ښاغلي شیخ الحدیث شهاب الدین دلاور، د پلان او پالیسۍ مرستیال شیخ ضیا الرحمن الاریوبي، مالي او اداري مرستیال مولوي حسام الدین صابري، د جیولوجي سروې مرستیال انجنیر نورالله ستانکزي، رئیسانو، او ټاکلي هیئت په شتون کې په شفافه توګه داوطلبي تر سره کړه. 
په دغه داوطلبۍ کې آیوډین سلطان، آینده روشن، نوین بلخ، رحمن شاهي او سنائي زاده د مالګې شرکتونه د یو کال لپاره د رویالټي قیمت سره في ټن 2820 افغانۍ  ګټونکي اعلان کړل.