د غزني ولایت د کانونو د څارنې کمېټې غونډه تر سره شوه
د غزني ولایت د کانونو د څارنې غونډه د غزني ولایت د کانونو د رئيس په مشرۍ د یاد ولایت د صنعت او سوداګرۍ او د اقتصاد رئیسانو د آمنیه قومندان، استخبارات، چاپیریال ساتنې، اوبو او انرژي، کرنې او مالدارۍ او د علماوو شورا د استازو په ګډون د 12/ 6/ 1403 نېټه د یاد ولایت د کانونو د ریاست په مقام کې تر سره شوه.
غونډه د قرآنکريم د څو مبارکو آیاتونو په تلاوت سره پېل شوه. وروسته د غزني ولایت د کانونو رئیس الحاج مولوي حضرت یوسف صهیب ټولو ګډونوالو ته ښه راغلاست وویل. او همدارنګه یې د یادې کمېټې پر مسولیتونو خبرې وکړې او خوښي یې څرګنډه کړه چې د کمېټې په رامنځته کولو سره مو د غزني ولایت له کانونو څخه سمه ساتنه، ښه مدیریت او د غیري قانوني استخراج مخه نیول شوې ده.
په پای کې د غونډې ګډونوالو د کانونو دلا ښه مدیریت په اړه خپل نظرونه شریک کړل او د کانونو د څارنې په برخه کې یې د هر راز همکاریو ژمنې وکړې.
